Editatu irudia
Portu Jasangarriaren II. Biltzarra Bilboko Portu Agintaritzak antolatutako nazioarteko ekitaldi bat da. 2025eko otsailaren 6an eta 7an egingo den biltzar honen helburu nagusia da portu-sektoreko jasangarritasunarekin lotutako estrategia eta proiektu berritzaileak konpartitzea. Bere ardatza da aztertzea nola ezarri ditzaketen portuek 2030 Agendaren Garapen Jasangarriaren Helburuekin (GJH) bat datozen jardunbide jasangarria.
Trantsizio berdea, portuak hub energetikotzat hartzea, digitalizazioa eta Adimen Artifiziala negozioan txertatu izana, hornidura-katearen integrazioa edo gobernantza-ereduen aldaketa dira portuen etorkizuna markatuko duten joeretako batzuk. Alderdi horiek guztiek determinatu egingo dute portuen lehiakortasuna, eta hauek erronka bati erantzun beharko diote, alegia, nola uztartu ingurumen- eta gizarte-jasangarritasuna oreka ekonomiko-finantzarioarekin.
Portuetako ingurumen-zaintza oso garrantzitsua da portu-jarduerek ingurunean eta giza osasunean sor ditzaketen inpaktuak modu egokian kontrolatzeko eta ebaluatzeko, horren bidez arintze-neurri efizienteak aplikatu ahal izateko eta ezarritako ingurumen-estandarrak betetzeko. Horretarako, funtsezkoa izango da zaintza-sistema eraginkor bat diseinatzea eta erabakiak hartzen laguntzen diguten teknologia berritzaileak garatzearen alde egitea.
Portuetako gizarte-jasangarritasuna funtsezko alderdi bat da, zeren beraren bidez segurtatu baitaiteke portu-jarduerak efizienteak eta errentagarriak izatez gain onuragarriak ere badirela tokiko komunitateentzat eta bertan lan egiten dute pertsonentzat. Sektoreak etorkizunean eskatuko dituen profesionalak erakartzea edo komunitatea portu-garapenarekin zerikusia duten erabakiak hartzeko prozesuen inplikatzea funtsezkoa izango da portuen etorkizunerako.
Europar funtsak portuen irisgarritasuna eta jasangarritasuna hobetzeko finantziazio-bide bat dira, trantsizio energetikoa, digitalizazioa eta garraio-azpiegituren hobekuntza sustatzen dituzten proiektuetara zuzenduta baitaude. Funts horiek eskuratzeko, jasangarritasunaren arloko txostenei buruzko araudi berria bete beharko da, eta hor garrantzi berezia du materialtasun bikoitzaren azterketak. Gainera, itsas negozioak portu-operazioen ingurumen-inpaktua murriztera zuzendutako neurrietatik eratortzen diren kostu berriak hartu beharko ditu kontuan.
Berrikuntza I+Garen emaitzak merkatura eramateko prozesua da, balioa eta abantaila lehiakorra sortuz. Halaber, funtsezko palanka bat da lehiakortasuna hobetzeko, eta baita bete beharreko faktore bat ere inguruneko aldaketei egokitzeko eta bertan aurrera egiteko. Berrikuntza inplementatzeari begira, oso garrantzitsua da portuko komunitatearen barneko konfiantza-harremanak sustatzen dituen ekosistema eta lankidetza-ingurune bat sortzea, zeren erronka kolektiboei lankidetzatik soilik heldu ahal baitzaie.
Portu Jasangarriaren Nazioarteko II. Biltzarrari buruzko zalantzarik baduzu, idatzi congresopuertosostenible@bilbaoport.eus helbidera
